K’illichumanta
Huk kunturpa q’isansi huk urqu patapi kasqa; chay q’isanmantapachas, kunturqa yarqasqallaña mikhunata qhawapakusqa. Hinallapis huk chinkasqa uwihachata rikurqusqa, chaysi phawaykuyta munasqa. Uwihachata sillunkunawan hap’irquspas, kunturqa usqhayllapaq q’isanman aparqun.

Urquq qayllallanpis huk k’illichu kachkasqa, hinaspas kunturpa ruwasqanta qhawasqa; chaysi, yachapayayta munaspa, paypas huk uwihachamanñataq phawaykusqa. Ichaqa uwiha millwapis sillunkuna mayt’urqukusqa; k’illichuqa manas phawaripuyta atisqachu. Manas imayna chakuytapas yachasqachu.

Uwiha michiqqa, chayta rikuspas, k’illichumanqa usqhaylla p’itaykusqa. Hap’irquspas chakinmanta watarqusqa; chaymantaqa, wasinmansi k’illichutaqa apakapusqa. Wasinpiqa, hanyarisparaqsi wawankuna kayhinata tapusqaku: “Imayniraq uywachatataq apamurqankiri”, nispa. Uwiha michiqqa kayhinatas kutichisqa: “K’illichullam, ichaqa payqa kunturpaqmi iñikun”, nispa.

AUTOR: Anónimo

Conteste todas las Preguntas Correctamente y dé un click en Enviar y Grabar

Preg: 1.- Kay willakuymanhina, ¿imatataq q’isanmantapacha kuntur qhawapakusqa?
Uwiha michiqta.
Huk k’illichuta.
Huk uwihachata.
N.A.
Preg: 2.- Uwiha michiqpa kaykuna ruwasqanmanta, ¿mayqin kaqtataq ñawpaqta ruwasqa?
K’illichuman usqhaylla p’itaykusqa.
K’illichuta chakinmanta watasqa.
K’illichuta wasinman apakapusqa
N.A.
Preg: 3.- ¿Imaraykutaq k’illichuri phawaripuyta mana atisqachu?
Uwiha michiq tuqllata churasqanrayku.
Kuntur sillunkunawan hap’irqusqanrayku.
Uwihachapa millwampi mayt’urqusqanrayku
N.A.
Preg: 4.- Uwiha michiqqa nisqa: “K’illichullam, ichaqa payqa kunturpaqmi iñikun”, nispa. ¿Ima niytataq chay rimayri munam?
K’illichuqa manam kuntur hinachu ancha allin chakuq, niyta.
K’illichuqa manam kuntur hinachu ancha allin mikhuq, niyta.
K’illichuqa manam kuntur hinachu ancha allin qhawaq, niyta.
N.A.